මේ වන විට ආණ්ඩුව විසින් ඉතා ඉක්මනින් එකසිය හැට සහ හැටපහ අනුපාතයට මැතිවරණ ක්රමය වෙනස් කිරීම සදහා සංශෝධන ගෙන ඒමට සුදානම්වන බව පැෆරල් සංවිධානය පවසනවා.
එහි විධායක අධ්යක්ෂ රෝහණ හෙට්ටිආරච්චි මහතා සඳහන් කරන්නේ මෙය ජනාධිපවරයා පත්කළ මැතිවරණ සංශෝධන කමිටුවෙන් හෝ දේශපාලන පක්ෂවලින් පැමිණි අදහසක් නොවන බවයි.
මෙය පුද්ගලයන් කිහිපදෙනෙකුගේ වුවමනාවට ක්රියාතමක කිරීම සදහා සූදානම් වන දෙයක් වන බවයි ඒ මහතා සඳහන් කලේ.
සමානුපාතික ක්රමය ඉවත් කර මෙම ක්රමය ක්රියාත්මක කළහොත් විසිරැණු ඡන්ද පදනමක් ඇති කුඩා පක්ෂ සියල්ලම විනාශ වී ප්රධාන පක්ෂ දෙකක් මත පමනක් ඡන්ද දායකයින් රොක්වන බවයි හෙට්ටිආරච්චි මහතා පවසන්නේ.
මොණරාගල ප්රදේශයේ පැවති වැඩසටහනකට එක් වෙමින් පැෆරල් සංවිධානයේ විධායක අධ්යක්ෂ රෝහණ හෙට්ටිආරච්චි මහතා මෙම අදහස් පල කලා.
