ශ්‍රී ලංකාවේ දරුවන්ගේ ආහාර වැඩසටහන වෙනුවෙන් චීන රජයෙන් මෙම සහල් තොගය පරිත්‍යාග කරන බවයි චීන තානාපති කාර්යාලය නිවේදනයක් නිකුත් කරමින් පැවසුවේ. 

මෙම සහල් තොග කොස්කො ෂින් ෂැන්හයි සහ කොස්කෝ තායිලන්ඩ් යන නෞකා දෙක ඔස්සේ කොළඹ වරායේ සී අයි සී ටී ජැටිය වෙත රැගෙන ඒමට නියමිත බව සඳහන්.

මෙලෙස චීනය විසින් පරිත්‍යාග කරන සහල් තොගයේ සමස්ත වටිනාකම යුවාන් මිලියන 500 ක්.

එම සහල් තොග කාණ්ඩ 6 ක් වශයෙන් ශ්‍රී ලංකාවට ලබාදීමට නියමිත බවයි චීන තානාපති කාර්යාලය නිකුත් කළ නිවේදනයේ වැඩිදුරටත් දක්වා ඇත්තේ.