IMF ඡන්ද විමසීම අද පස්වරුවේ..

ජාත්‍යන්තර මූල්‍ය අරමුදලේ විස්තීරණ ණය ගිවිසුම පිළිබදව පාර්ලිමේන්තු විවාදයේ තුන්වන සහ අවසන් දිනය අදයි. මේ අනුව අද පස්වරුවේ ඊට අදාළ ඡන්ද විමසීමට පැවැත්වීමට නියමිතයි.

මේ අතර ජාත්‍යන්තර මූල්‍ය අරමුදලේ ණය පහසුකම පිළිබද පාර්ලිමේන්තුවේදී පැවැත්වීමට නියමිත ඡන්ද විමසීමට සහභාගි නොවන බව හිටපු ජනාධිපති මෛත්‍රීපාල සිරිසේන මහතා සහ පාර්ලිමේන්තු මන්ත්‍රී මහාචාර්ය ජී.එල්.පීරිස් යන මන්ත්‍රීවරුන් ඊයේ දින ප්‍රකාශ කළා.

මීට අමතරව වාසුදේව නානායක්කාර මහතා ද ඒ සදහා එකග නොවන බවටයි ජාත්‍යන්තර මූල්‍ය අරමුදල පිළිබදව පළමු වන විවාද දිනයේදී ප්‍රකාශ කළේ.

මේ අද දින විවාදයට එක්වෙමින් අදහස් දැක්වූ අග්‍රාමාත්‍ය දිනේෂ් ගුණවර්ධන මහතා.

ජාත්‍යන්තර මූල්‍ය අරමුදල සම්බන්ධයෙන් අද දින විවාදය එක්වෙමින් පාර්ලිමේන්තු මන්ත්‍රී ලක්ෂ්මන් කිරිඇල්ල මහතා අග්‍රාමාත්‍ය දිනේෂ් ගුණවර්ධන මහතාගෙන් විමසා සිටියේ රට බංකොලොත් භාවයට පත් වූ පසුව ජාත්‍යන්තර මූල්‍ය අරමුදලේ සහය පැතීම ජයග්‍රහණයක් නොවන බවයි. මේ ඒ සදහා පිළිතුරු ලබා දුන් අග්‍රාමාත්‍ය දිනේෂ් ගුණවර්ධන මහතා.